இளையராஜாவை பாராட்டிய மிஷ்கின்!!!..

காப்புரிமை தொடர்பாக விழிப்புணர்வு ஏற்படுத்திய இசையமைப்பாளர் இளையராஜாவுக்கு இயக்குனர் மிஷ்கின் பாராட்டு தெரிவித்துள்ளார்.தான் இசை அமைத்த பாடல்களை தனது அனுமதியில்லாமல் மேடை கச்சேரிகளில் பாடக்கூடாது என்று இளையராஜாவிடம் இருந்து நோட்டீஸ் வந்திருப்பதாக பிரபல பாடகர் எஸ்.பி.பால சுப்ரமணியன் தெரிவித்து இருந்தார். இரண்டு நாட்களுக்கு முன்பு இளையராஜாவிடம் இருந்து தனக்கும், பாடகி சித்ரா மற்றும் தனது மகன் சரண் ஆகியோருக்கும் நோட்டீஸ் வந்திருந்தது. அந்த நோட்டீஸில் இளையராஜா கம்போஸ் செய்த பாடல்களை அவரின் அனுமதி இல்லாமல் மேடையில் பாடவோ, இசைக்கச்சேரி நடத்தவோ கூடாது. அதையும் மீறி செய்தால் காப்புரிமை சட்டத்திற்கு எதிராகிவிடும்.எனவே மிகப்பெரிய அபராதத்தொகையை சட்டப்படி தரவேண்டியிருக்கும்' என்று குறிப்பிட்டிருந்தது என்று தனது பேஸ்புக் பக்கத்தில் பிரபல பாடகர் எஸ்.பி.பாலசுப்ரமணியம் தெரிவித்துள்ளார். இது குறித்து இயக்குனர் மிஷ்கின் காப்புரிமையின் முக்கிய குறித்த விழிப்புணர்வை ஏற்படுத்திய இசையமைப்பாளர் இளையராஜாவுக்கு முதலில் என்னுடைய பாராட்டுகளை தெரிவித்துக்கொள்கிறேன் என்று கூறியிருக்கிறார்.திருச்சியில் செய்தியாளர்களை சந்தித்த மிஷ்கின், இளையராஜாவின் பாடலின் வெற்றிக்கு அவருடைய இசை மட்டுமே முழுமையான காரணம். படைப்பாளிக்கே படைப்பின் மீதான முழு உரிமையும் உண்டு என்று பேசியுள்ளார்.இந்த விவகாரம் தொடர்பாக இசையமைப்பாளர் ஏ.ஆர்.ரஹ்மான் கூறுகையில், இந்த சர்ச்சை தொடர்பாக யோசிக்காமல் எந்த ஒரு முடிவும் தெரிவிக்க முடியாது என்று தமது கருத்தை முன்வைத்துள்ளார்...