பாபர் மசூதி இடிப்பு- இந்திய தவ்ஹீத் ஜமாஅத் சார்பில் போராட்டம்!

---

பாபர் மசூதி இடிப்பு குற்றவாளிகளுக்குதூக்கு தண்டனை வழங்க வலியுறுத்தி இந்திய தவ்ஹீத் ஜமாஅத் அமைப்பினர் திருச்சியில் விமான நிலைய முற்றுகை போராட்டத்தில் ஈடுபட்டனர். இந்த போராட்டத்தில் பெண்களும் பங்கேற்று கண்டன முழக்கங்களை எழுப்பினர். முஸ்லிம்கள் தொழுகை நடத்தி வந்த பாபர் மசூதி 1992 டிசம்பர் 6-ந் தேதி நீதிமன்ற உத்தரவுகளை மீறி இடிக்கப்பட்டது. இருபத்தைந்து ஆண்டுகள் கடந்த பின்னரும் இன்றைய தினம்வரை பாபர் மசூதியை இடித்தவர்கள் எந்த தண்டனைக்கும் உள்ளாக்கப்படவில்லை. மத்திய அரசு அமைத்த லிபரஹான் கமிஷன் 63 பேரை குற்றவாளிகள் என்று அடையாளம் காட்டிய பின்னரும் அவர்களை கைது செய்வதற்கு அரசாங்கம் எந்த முயற்சியும் செய்யவில்லை. நீதிமன்றமோ ஆவணங்களையும், வரலாற்றுச் சான்றுகளையும் ஆராய்ந்து தீர்ப்பு வழங்காமல் பெரும்பாலான மக்களின் நம்பிக்கையை ஆதாரமாகக் கொண்டு தீர்ப்பு வழங்கியது. இந்நிலையில் பாபர் மசூதி நிலத்தை முஸ்லிம்களிடம் ஒப்படைக்க வலியுறுத்தியும், பாபர் மசூதி இடிப்பு குற்றவாளிகளுக்கு தூக்கு தண்டனை வழங்கக் கோரியும் தவ்ஹீத் ஜமாஅத் சார்பில் திருச்சி விமான நிலையம் முற்றுகைப் போராட்டம் இன்று நடைபெற்றது. இதேபோன்று சென்னை,மதுரை,கோவை ஆகிய இடங்களிலும் இந்திய தவ்ஹீத் ஜமாஅத் சார்பில் விமான நிலையம் முற்றுகை போராட்டம் நடைபெற்றது  ,