லேப் டாப், ஐ பேட், அமெரிக்காவுக்குள் கொண்டு செல்ல எட்டு நாடுகளுக்கு தடை!..

அமெரிக்காவுக்கு வரும் விமானங்களில் லேப் டாப், ஐபேட், கேமரா மற்றும் சில எலக்ட்ரானிக் பொருட்களை கொண்டு வருவதற்கு எட்டு நாடுகளுக்கு அமெரிக்க அரசு தடை விதித்துள்ளது.இந்தத் தடைக்கான காரணம் உடனடியாக தெரியவில்லை. ராயல் ஜோர்டான் ஏர்லைன்ஸ் மற்றும் சவுதி அரேபியாவின் அதிகாரபூர்வ செய்தி நிறுவனம் அறிக்கை வெளியிட்டதை அடுத்து இந்த தகவல் வெளியாகியுள்ளது. இதுகுறித்து அசோசியேடட் பிரஸ்ஸுக்கு அமெரிக்க அதிகாரி ஒருவர் அளித்த பேட்டியில்,''எகிப்து, ஜோர்டான், குவைத், மொராக்கோ, கத்தார், சவுதி அரேபியா, ஐக்கிய அரபு நாடுகள் மற்றும் துருக்கி ஆகிய நாடுகளின் சர்வதேச விமான நிலையங்களில் இருந்து வரும் விமானங்களுக்கு மட்டும் தடை விதிக்கப்பட்டுள்ளது. இந்தப் பட்டியலில் இருந்து செல்போன் மற்றும் மருத்துவ கருவிகளுக்கு விலக்கு அளிக்கப்பட்டுள்ளதாக ராயல் ஜோர்டான் தெரிவித்துள்ளது. மேலும், எலக்ட்ரானிக பொருட்களை எடுத்துக் செல்வதற்கான தடை தங்களது நியூயார்க், சிகாகோ, டெட்ராய்ட் மற்றும் மான்ட்ரியலுக்கு செல்லும் பயணத்தை பாதிக்கும் என்று ஜோர்டான் தெரிவித்திருக்கிறது.