ஜோதிகாவுக்கு ஜோடியாக சூர்யாவின் வில்லன்..!

கடந்த சில மாதங்களுக்கு முன் மலையாளத்தில் வெளியாகி சூப்பர் ஹிட்டான ‘ஹவ் ஓல்டு ஆர் யூ?’ படத்தின் தமிழ் ரீமேக்கில் ஜோதிகா நடிக்க இருக்கிறார் என்பது உங்களுக்கு தெரியும். இந்தப்படத்தின் படப்பிடிப்பு வரும் நவம்பர்-17ஆம் தேதி முதல் துவங்க இருக்கிறது.

பெண்ணின் பலத்தை, மகத்துவத்தை உணர்த்தும் விதமாக மலையாளத்தில் எடுக்கப்பட்டிருந்த இந்தப்படம் நீண்ட இடைவேளைக்குப்பின் மறு பிரவேசம் நிகழ்த்தும் ஜோதிகாவிற்கு ரீ-எண்ட்ரியாக அமைந்திருப்பது மிகவும் எதார்த்தமான ஆனால் அதிசயமான ஒன்று. இந்தப்படத்தில் ஜோதிகாவின் கணவராக நடிக்கிறார் ரகுமான். சிங்கம்-2வில் சூர்யாவுக்கு வில்லனாக நடித்த அதே ரகுமான் தான்.

இந்தப்படத்தை சூர்யாவின் 2டி எண்டர்டெயின்மெண்ட் நிறுவனம் தான் தயாரிக்கிறது. தமிழில் இந்தக்கதையை அதன சாராம்சம் கெட்டுவிடாமல அப்படியே கொடுக்கவேண்டும் என்பதற்காக மலையாளத்தில் இந்தப்படத்தை இயக்கிய ரோஷன் ஆண்ட்ரூசே தமிழிலும் இயக்குகிறார்.