இசையமைப்பாளர் ஹாரிஸ் ஜெயராஜ் வெளியிட்டா "முந்திரிக்காடு"

மு.களஞ்சியம் இயக்கும் “ முந்திரிக்காடு “ படத்தின் பர்ஸ்ட் லுக் போஸ்டரை இசையமைப்பாளர் ஹாரிஸ் ஜெயராஜ் வெளியிட்டார் தமிழர் நலம் கலை பண்பாட்டு இயக்கம் என்ற பட நிறுவனம் தயாரிக்கும் படத்திற்கு “ முந்திரிக்காடு “ என்று பெயரிட்டுள்ளனர். இந்த படத்தில் இயக்குனர் சீமான் போலீஸ் அதிகாரியாக கதையின் முக்கிய கதாப்பாத்திரத்தில் நடிக்கிறார். நாயகனாக புகழ் என்பவர் அறிமுகமாகிறார். இவர் இந்திய கம்யூனிஸ்ட் கட்சியின் மூத்த தலைவரான C.மகேந்திரனின் மகன். கதாநாயகியாக சுபபிரியா நடிக்கிறார். மற்றும் ஜெயராவ், சோமு, சக்திவேல், ஆம்பல்திரு, கலைசேகரன் , பாவாலட்சுமணன் ஆகியோரும் நடிக்கிறார்கள். கதை, திரைக்கதை, வசனம் எழுதி இயக்குகிறார் - மு.களஞ்சியம். படம் பற்றி இயக்குனரிடம் கேட்டோம்... முந்திரிக்காட்டு மக்களின் வாழ்கை யதார்த்தத்தை இதில் பிரதிபலித்திருக்கிறோம். விலையுயர்ந்த பொருளாக மாறிப்போன முந்திரியின் விளை நிலங்களில் சிந்தும் ஏழ்மையின் வியர்வை துளி எப்படிப்பட்டது என்பதை இதில் பதிவு செய்கிறோம். இந்த படத்திக்கு பாடல்கள் கவிபாஸ்கர் எழுத எ கே பிரியன் என்ற 17 வயது இளைஞர் இசையமைத்திருக்கிறார் இவர் எ ஆர் ரகுமானின் இசைப்பள்ளி மாணவர் என்பது குறிப்பிடதக்கது. ஜி எ சிவசுந்தர் ஒளிப்பதிவில் எல்.வி.கே.தாஸ் எடிட்டிங் செய்துள்ளார்.கலை மயில்கிருஷ்ணன், ஸ்டன்ட் மாஸ்டர் லீ.முருகன், தயாரிப்பு மேற்பார்வை டி.ஜி. ராமகிருஷ்ணன்.