லைசன்ஸ் இல்லாமல் வண்டி ஓட்டிய பெண்ணை பளார் என்று கன்னத்தில் அறைந்த போலீஸ்: வைரலாகும் வீடியோ!

உத்தரகாண்ட் மாநிலத்தில் உள்ள ராம்கர் பகுதியில் உள்ள சோதனைச் சாவடியில், ஹெல்மெட் அணியாமல் மற்றும் பதிவு ஆவணங்களின்றி வந்த ஸ்கூட்டியை நிறுத்திய போலீஸ்காரர், வாக்குவாதத்தில் ஈடுபட்டார்.

இந்த வீடியோவின் ஒரு பகுதியில், "வீடியோ எடு திவான் ஜி" என்று போலீஸ்காரர் கூறும் காட்சி உள்ளது, அதற்கு அந்த பெண் பதிலளிப்பதும், பிறகு அவர் கோபத்துடன் கேமராவை அடிப்பதும் பதிவாகியுள்ளது. இந்த சம்பவம் தொடர்பான வீடியோவை X தளத்தில் பதிவேற்றிய நிலையில், அது 2 லட்சத்திற்கும் அதிகமான பார்வைகளையும், ஆயிரக்கணக்கான விருப்பங்களையும் பெற்றுள்ளது.

https://x.com/Cyber_Huntss/status/1917246364527771925?ref_src=twsrc%5Etfw%7Ctwcamp%5Etweetembed%7Ctwterm%5E1917246364527771925%7Ctwgr%5Ec90ae6570e0ab014822d8101f1fe17a06ff23577%7Ctwcon%5Es1_c10&ref_url=https%3A%2F%2Fm.test.in%2F

"போலீசாரின் இந்த நடத்தை வெட்கக்கேடானது" எனக் கண்டித்த அந்த பயனர், உத்தரகண்ட் அரசு உடனடி நடவடிக்கை எடுக்க வேண்டும் என வலியுறுத்தினார். பொதுமக்கள் மற்றும் சமூக வலைதள பயனர்களிடையே இந்த வீடியோ கடும் கோபத்தையும், சிலரிடையே குழப்பத்தையும் உருவாக்கியுள்ளது. சிலர், "ஹெல்மெட் இல்லாததற்காக இவ்வளவு கோபமா?" எனக் கேள்வி எழுப்பினர், மற்றவர்கள், "சுற்றுலாப் பயணிகளும் பொறுப்புடன் நடக்க வேண்டும்" எனக் கூறினர்.

இதைத் தொடர்ந்து உத்தரகண்ட் காவல்துறை செய்தியாளர் மையத்திற்கு வெளியிட்ட அறிக்கையில், வாகனத்தில் பதிவு ஆவணங்கள் இல்லாததால் காவல்துறை அதிகாரி ஸ்கூட்டியைத் தடுத்து நிறுத்தியதாகவும், பயணிகள் ஒத்துழைக்க தவறியதால் சிறிய வாக்குவாதம் ஏற்பட்டதாகவும் தெரிவித்தனர்.

ஆனால் வீடியோவில் போலீஸ்காரர் ஒருவரால் பொதுமக்கள் தாக்கப்பட்டதற்கான சாட்சி இருப்பதால், சம்பந்தப்பட்ட அதிகாரியின் நடவடிக்கைக்கு எதிராக விசாரணை நடைபெற்று வருவதாகவும், தவறு நிரூபிக்கப்பட்டால் அவருக்கு எதிராக உரிய சட்ட நடவடிக்கை எடுக்கப்படும் என்றும் கூறப்பட்டுள்ளது.